Inspiración
Curaçao, Inc. ta un empresa ku ta duna
servisio, prepara i atende ku dekorashon pa kasamentu, fiesta i eventonan
korporativo. Inspiración Curaçao, Inc. a
kuminsá na 2010 komo “eenmanszaak” i a krese na final di 2012 bira un empresa
BV.
Na
komienso di e negoshi mester a hür hopi material serka otronan pa por kompletá
un dekorashon. E trabou final tabata wòrdu elogiá I un boka bisa otro e
klientenan a kuminsa yega.
Bo
por drenta den kontakto na telefon 692 3118 of email na inspiracion.cur@live.com. Ariba e
blog: www.insiracioncuracao.blogspot.com/
Facebook/ Pinterest/ Twitter bo por mira dekòr di varios fiesta.
Estilista di evento [Event
stylist]
Alex
van Lamoen ta direktor + estilista di evento di Inspiración Curaçao, Inc.
Despues di a studia i traha komo maestro di skol, el a drenta banki bèk i
studia pa merkadeo i empresaria na Universidat di Antia Hulandes. Su part-time
job durante di 10 aña tabata sirbi
klientenan di e prestigioso catering The Trader. Durante tur e añanan Alex van
Lamoen a traha ku pashon i animo, forma kontakto ku hopi hende ku a yude sigui
krese pa logra. Na 2011 e oportunidat di kuminsa a yega i Alex a kue esaki tene
duru. For di e momentu ei el a sinti ku su hòbi a bira su trabou i awor Alex ta
“style” pa varios fiesta. “Mi ta kontentu ku loke mi ta hasi awor, mi tin e
oportunidat di hasi varios hende kontentu ku mi trabou i mantené mi mes
finansieramente ku loke mas mi gusta hasi: krea i dekora”.
Meta [Mission]
Inspiración
Curaçao, Inc. ke bira e empresa preferí di su klientela na momentu di prepará i
ehekutá e dekorashon pa sea e fiesta chikitu entre amigunan of e selebrashon di
gala pa kasamentu i evento korporativo. Nos ke duna servisio di kalidat haltu
na kliente dor di ofrese konsepto, diseño i material pa krea e dekorashonnan klásiko
modèrno i úniko ku kada kliente lo keda kòrda.
E
kliente di Inspiración Curaçao, Inc. ta entre
26 pa 65 ana. E ta un pèrsona ku gusta mira e dekorashon ku detayes i finesa. E
ke pa su fiesta tambe tin décor elegante, klásiko modèrno. E kliente ta sea
preparando e fiesta di su propio matrimonio, òf di su yu òf nietu. E kliente
tambe ta esun ku ta prepará e fiesta di su yu ku tey selebrá Quinceñera, of
Sweet 16th, alabes e kliente ta unu ku ta pensando di selebrá su aña
25-30-45-50-60 ku hopi alegria.
E
kliente tambe ta un empresa ku ta preparando selebrashon di nan asina yama
personeelsfeest, reunion importante, cocktail hour, reapertura of hubilario di
su trahadonan.
Servisio [Business profile/
service]
E
dekorashon di Inspiración Curaçao, Inc. generalmente ta konsentrá pa krea un
ambiente uzando materialnan bunita. Nos ta traha un konsepto pa dékora entrada,
photobooth, mesa di bolo, centerpiece, plafònt, lounge area i varios otro.
1. Traha òf krea décor ku
ta pas ku e tema di e fiesta;
2. Dekora entrada pa
invitadonan yega na e fiesta;
3. Uza varios material
entre otro glas i metal pa dekorá e mesanan di bolo, kos dushi;
4. Traha areglo di flor
fresku i tambe areglo pa mesa uzando otro elementonan;
5. Uza varios elemento pa
dekora plafònt di un ballroom;
6. Uza tela i paña pa mesa
di primera kalidat;
7. Traha den estrecho
koperashon ku proveedornan di muebles i iluminashon;
8. Hasi kada dekorashon
úniko pa e kliente keda kòrda.
Na
yuli 2013 Inspiración Curaçao, Inc. a ekspande su servisio dor di ofresé
dekorashonnan propio ku flornan fresku importá for di region di Sur Amerika.
Nos ta ofrese nos kliente e flornan ku ta kuadra ku e dekorashon i ta krea
piesanan elaborá pa solamente e fiesta ku nos ta dekorando. Otro for di un
tienda di flor, serka nos bo no ta haña flor tur dia i ta solamente pa e evento
nos flornan ta yega na un preis rasonabel.
Diferensha [Core beliefs]
Nos
ta kere den 7 komponente ku ta importante pa servisio na nos kliente tur
momentu. Nos ta:
1.
íntegro;
2.
honesto;
3.
profeshonal;
4.
duna bon servisio i ku kariño;
5.
flèksibel i kreativo;
6.
tarifa/ preis rasonabel;
7.
kada bes entregá e trabou final na ora.
Merkadeo [Marketing]
Aparte di ta pone
potretnan konstantemente di nos dekòr ariba e retnan sosial Facebook, Twitter i
Pinterest, Inspiración
Curaçao, Inc. ta hasi uzo di su korant
elektróniko ku ta bai via di email tur
luna na nos klientela. Notición ta elaborá ariba e dekorashonnan mas resien ku
nos a ehekutá. Na Sèptèmber 2013 a start e proyekto “Event Spotlight”, ku tambe
ta un korant elektróniko den kua nos ta buta den spòtlight un evento ku resien
nos a dekora. Den e “Event Spotlight” nos ta bai mas den detaye kiko ta tur e
elementonan ku a uza pa krea e dekòr akompañá pa varios potrèt.
Inspiración
Curaçao, Inc. por duna satisfakshon na abo komo organisadó di bo evento por
atendé ku tur otro aspekto mientras nos ta duna detaye na bo ambiente ku un bunita
dekòr. Bo por haña nos na telefòn 692 3118 of email na inspiracion.cur@live.com. Ariba e
blog: www.insiracioncuracao.blogspot.com/
Facebook/ Pinterest/ Twitter por mira potrèt di varios fiesta.